早前香港大熱嘅「唱K神器」，掀起全民搶購潮，呢股風更傳到嚟澳門，hit爆港澳台！佢就係嚟自內地嘅品牌「途訊」，佢最熱賣嘅分別係K068同埋Q7啦！今次就嚟同大家試下支入門版K068先啦！
入門版K068 實測試 – 流動K房
途訊K068外型十足十一支喇叭咁款，其實佢設計好簡單，就係咪＋藍芽喇叭＋Echo，使用方法極之簡單，只有三個制。再利用藍芽連接手機就可以即刻用到啦！當然佢最大用途就係唱K，只要喺手機入面下載番個唱K嘅Apps就搞掂啦，歌聲同音樂就會喺喇叭播出嚟，一咪一機在手，K房隨時擁有！想幾時唱就幾時唱啦喂！
用後心得：途訊K068真心簡單易用，音質算係唔錯，不過喇叭向外，聽起嚟有少少delay，同埋每次連接手機都要手動，唱嘅時候對準咪，一太遠就會收唔到音。最好就係室內玩，用嚟同家人、朋友係室內玩一定夠玩，而且價錢唔算好貴，澳門幣400幾蚊，平時出去唱K唔止啦，買咗「唱K神器」真係可以慳唔少！
途訊天貓旗艦店：https://tuxun.world.tmall.com/
圖、文／Taki
