【周街食嘢】財神日本料理

01

位於澳門財富中心一樓嘅財神日本料理,氣氛同環境相當唔錯,價錢亦算實惠,尤其Lunch set吸引唔少上班一族到此享用午餐。此外,呢度嘅小食同拉麵都有一定水準,下面筆者就揀咗幾款食物介紹俾各位。

先為大家介紹兩款小食,分別係煙肉蕃茄仔串燒&忌廉蟹肉薯餅。

用煙肉包住蕃茄仔呢個配搭非常特别,煙肉烤成金黃色,而且唔會怕軔,蕃茄仔咬落去有唔少汁,令整個小食增添幾分新鮮感。薯餅相信經常會食到,咁忌廉薯餅你又食過未呢?外皮炸嘅時間剛剛好,一咬落去就有忌廉汁流出嚟,唔會太熱,而且薯餅包住適量嘅蟹肉,值得一試。

煙肉蕃茄仔串燒
煙肉蕃茄仔串燒
螢幕快照 2016-07-08 上午1.54.41
忌廉蟹肉薯餅

除咗小食,財神嘅拉麵都非常有水準。

就以呢個原味豚骨湯拉麵為例,湯底非常入味,且唔怕太醎,拉麵嘅粗度適中,而且富有彈性,鐘意食拉麵嘅朋友不妨一試!

 

05
原味豚骨湯拉麵

介紹完小食同拉麵,筆者再推薦多個飯比大家。

呢個黑豬肉石鍋飯,同韓式嘅石鍋飯唔同,石鍋比較大,用嘅汁係日式咖喱汁,味道適中,豚肉煮得夠入味,整個飯份量夠多,適合二至三人食用。

螢幕快照 2016-07-08 上午1.59.30
黑豬肉石鍋飯

地址:澳門商業大馬路澳門財富中心一樓
文/鷹

發表迴響