【廣旅日記】闖入北極圈,尋找「真.聖誕老人」!(下)

圖片源自網絡據說芬蘭同蘇聯於1927將拉普蘭省(Lapin maakunta)「耳朵山」定為兩國通往北冰洋嘅國界線,芬蘭兒童故事大師瑪爾庫斯從中取得靈感,喺電台講個故事:聖誕老人同兩萬頭馴鹿就住喺呢座「耳朵山」上,因為有「耳朵」,所以聖誕老人能夠聽到世界上所有小朋友願望。從此,故事中嘅「耳朵山」就成為聖誕老人故鄉。

後來芬蘭政府為咗推廣旅遊,就喺「耳朵山」附近羅凡涅米建立聖誕老人村,咁聖誕老人村有咩必玩項目呢?

與聖誕老人合照

呢個巨無霸雪人嘅身後就係聖誕老人辦公室啦!
裡面會有打扮成小精靈嘅工作人員出嚟迎接你,佢哋仲會用廣東話同你問好喔!(圖片源自網絡)

聖誕老人辦公室入面,只能夠畀小精靈幫你影相,唔可以自己影。影完相可以選擇購買同聖誕老人嘅合照。雖然照片好貴,一張承惠30,但小編自覺應該都冇下次,所以都係買張留念啦。除咗照片,另外仲存有見面錄像USB購買,USB裡面仲有同聖誕老人合照、聖誕老人村照片同埋聖誕老人辦公室介紹,售價49 。

跨越北極圈線、喺護照上蓋北極圈印章、購買北極圈證書

喺聖誕老人村入口同information內地面上都畫有一條粗白色線,寫上北緯66度33分,佢係北極圈嘅分界線,過呢條線就係北極範圍啦。但小編去時候,戶外分界線,已經被厚厚嘅積雪覆蓋,所以小編就去information入面搵北極圈線打卡啦!

Information內不但有北極圈線,更可以購買北極圈證書(5)以及喺護照上蓋北極圈印章(1)。

食神級炭烤三文魚

現烤三文魚係聖誕老人村内嘅必吃之選。Santa’s Salmon Place餐廳就係一個傳統嘅拉普蘭帳篷(Lappish tepee) 。帳篷內只有幾張木枱櫈圍住一個烤三文魚用嘅火爐。

烤到焦香新鮮三文魚,配上木製餐具,再加一份拉普蘭傳統甜品,就能感受到傳統拉普蘭氛。

地址:Tahtikuja 1 | Napapiiri, Rovaniemi 96930, Finland

體驗哈士奇雪橇或麋鹿雪橇

聖誕老人村裡其實有兩間狗拉雪橇,一間叫Husky Park,另一間叫Bearhill。Husky Park會貴少少,但佢哋拉車狗狗全部都係哈士奇!價錢由30(500M)起跳。麋鹿雪橇只需18(400M),但就冇狗拉雪橇咁刺激。

寄一封聖誕節收到明信片

聖誕老人郵局就喺聖誕老人辦公室對面,呢度可能係芬蘭最多人郵局。呢度有兩個郵箱,橙色會當日寄出,而紅色郵筒寄出明信片會喺下一個聖誕節收到。

文/丸子

發表迴響