【廣旅日記】闖入北極圈,尋找「真.聖誕老人」!(上)

(圖片源自網絡) 

「We wish you a Merry Christmas… 」每到聖誕,周街都係扮成聖誕老人嘅工作人員,今次小編衝咗去芬蘭,到舉世聞名嘅「聖誕老人村」搵唯一被聯合國認可嘅聖誕老人!

好耐以前,「聖誕老人嘅故鄉喺邊度?」係個一直爭論不休嘅問題,直到1995年聖誕節前夕,當時聯合國嘅秘書長加利將一封寄畀聖誕老人嘅節日賀卡寄往芬蘭北極圈內嘅羅凡涅米 (Rovaniemi),這相當於聯合國承認羅瓦涅米係真正嘅聖誕老人村。

列車上還會有聖誕老人村的標誌

從芬蘭首都赫爾辛基去羅凡涅米可以選擇飛機或芬蘭國鐵VR。因為小編想體驗下VR嘅臥鋪,所以就選擇咗乘搭夜車前往羅瓦涅米,不但方便快捷,更能慳返一晚嘅住宿費用!今篇就先介紹芬蘭國鐵嘅臥鋪有咩特別啦。

車票可在VR官網上購買,購票後可以將電子車票印出來,又或者保存喺手機,有QR code 就可以搭車咯。

芬蘭國鐵VR:https://www.vr.fi/cs/vr/en/frontpage

大家可以喺網站上自行選擇起點、終點、日期、人數同位置(房間設施)。

房卡就插喺房間內嘅牆上,唔需要另外搵工作人員攞鎖匙。牆上貼有房卡嘅使用方法,並提醒住客離開房間時記得攞房卡。房間內嘅洗手台拉開後就會變成一個小小嘅沖涼房。

臥鋪都是上下舖,兩人一室,雖然啲床都比較窄,但都配有防護措施。床上有VR提供嘅一支水同毛巾,餐車亦有飲用水可購買。

車上提供wifi,每個房間都有獨立空調,可自行調整溫度,床頭有插座、鬧鐘同收音機,門後有衣架,麻雀雖小,五臟俱全

餐車位於21車,食品飲品有好多選擇。

19:23上車,一覺醒來就到達羅凡涅米啦!面向羅凡涅米車站,往右邊行就會見到一支孤零零嘅站牌屹立喺一片空地上,唔好懷疑,呢度就係巴士站啦。

去聖誕老人村要搭8號公車!

聖誕老人村,你可以同北極圈線打卡,喺護照蓋上「抵達北極」印章,寄送有北極圈郵戳嘅聖誕postcard,仲可以同聖誕老人合照傾偈呀!仲有啲咩?記得留意下期「廣旅日記」啦!

圖、文/丸子

發表迴響