【懷舊嘅嘢】我的母校︰鏡平學校

鏡平學校

望住呢棟高端大氣上檔次嘅校舍,如果唔係學校正門「鏡平學校」嗰四個大字,我真係完全認唔出呢間就係陪咗我九年嘅母校,真係令人不得不感慨時光飛逝,同時亦令我諗返起以前,我回憶中嘅「鏡平學校」係點嘅樣。

細個嗰陣,我成日都會諗點解人哋間學校咁大咁靚,我間學校就咁細咁寒酸,雖然唔係話係最唔好睇嗰間,但係對住人地同樣歷史悠久嘅濠江、聖心呢啲,完全係冇得比。昔日嘅鏡平樓高四層,課室唔多,走廊唔闊,操場唔算大,禮堂又的骰,用「麻雀雖小、五臟俱全」嚟形容真係最啱不過,但係就喺呢間各方面都顯得有啲細嘅學校裡面,承載住我好多童年回憶︰有喺走廊度捉依因、喺操場到跳飛機、喺嗰棵大榕樹下休息、喺禮堂度第一次演話劇⋯⋯有開心嘅,都有唔愉快嘅,但都係我最珍貴最美好嘅回憶。對我嚟講,曾經嘅鏡平學校就係我第二個家,雖然佢係咁寒酸、細小同埋有啲殘舊。

望返依家呢棟陌生嘅新校舍,佢有曬以前我所希望嘅鏡平會有嘅一切,但佢唔再係我所熟悉嘅第二個家,我最美好嘅回憶只能留在心中。雖然係咁,但只要鏡平學校一日仲存在,我都樂見母校嘅發展愈嚟愈好!

銅學

講開有段估答案︰D.行政長官崔世安,校長任期為1990年8月至1999年,崔世安當年擔任校長後,關心學校小學部擴校工作,積極改善學校環境同設備,解決唔少學生嘅特殊困難,令佢哋繼續完成學業。1994年開始推動籌辦鏡平學校中學部,1999年因出任社會文化司司長而請辭。

發表迴響